Close Menu
Subscribe :

Badrinath Suprabhatam
Song

Badrinath Suprabhatam

Rashmi Yogini • Badrinath Suprabhatam • 2026 • 0:06:24 • Devotional
Artist (Click to view all assets)
Rashmi Yogini

Lyrics

Badrinath Suprabhatam • Rashmi Yogini

लक्ष्मीविलास नरसिंह गुणाकरेश

वैकुण्ठ केशव जनार्दन चक्रपाणे ।

भक्तार्तिनाशन हरे मधुकैटभारे

भूयात् बदर्यधिपते तव सुप्रभातम् ॥ १॥

लक्ष्मीः प्रसन्नवदना जगदाद्यशक्तिः

कृत्वाङ्गरागललितं सुमनोज्ञवेषा ।

संस्तौति शब्दमधुरैर्मुरमर्दनं त्वां

भूयात् बदर्यधिपते तव सुप्रभातम् ॥ २॥

ब्रह्मामहेशगुरुकाव्यसरस्वती च

सम्प्राप्य तुङ्गहिमश‍ृङ्गमयी प्रदेशे ।

संसेवयन्ति हि पदाम्बुजयुग्मकं ते

भूयात् बदर्यधिपते तव सुप्रभातम् ॥ ३॥

इन्द्रादयस्सुरगणाश्च विमान दिव्यैः

प्राप्ताः कराञ्जलिपुटा भवदन्तिके हि ।

उद्घोषयन्ति सततं जगदेकनाथं

भूयात् बदर्यधिपते तव सुप्रभातम् ॥ ४॥

सूर्यादयो ग्रहगणा नभसस्स्थले च

दस्रादितारकगणैस्सहितास्सुनम्राः ।

मन्दारचम्पककरा बहुपुष्पयुक्ताः

द्रष्टुं बदर्यधिपते तव सुप्रभातम् ॥ ५॥

देवर्षिनारद सनन्दन योगिवर्याः

सप्तर्षयो भृगुमरीचि वसिष्ठ मुख्याः ।

द्वारे पठन्ति शुभवेदसुरम्यगाथां

भूयात् बदर्यधिपते तव सुप्रभातम् ॥ ६॥

रम्भादयोऽप्सरगणाः सहनृत्तगीतैः

गन्धर्वतुम्बुरुमुखाः सहवाद्यघोषैः ।

गायन्ति गीतसरसैरिह कीर्तिपुञ्जं

भूयात् बदर्यधिपते तव सुप्रभातम् ॥ ७॥

श्री शङ्करार्यमुनि मध्वमहायतीन्द्राः

रामानुजार्य प्रभुवल्लभ देशिकेन्द्राः ।

गाथा विरच्य निगमागम तत्त्वसाराः

नित्यं जगुस्तव यशो विमलं प्रभातम् ॥ ८॥

भास्वानुदेति विगता हिमशीतबाधा

स्नात्वा च वह्निसलिले खलु यात्रिणो हि ।

नीत्वोपचारनिचयाः प्रभुदर्शनार्थं

तिष्ठन्ति चत्वरमुखे तव सुप्रभातम् ॥ ९॥

हैमेषु राजतमयेषु घटेषु नीत्वा

शीतोष्णतोयदधिदुग्धघृतादिकं च ।

स्नानोन्मुखा द्विजवरास्सहवेदपाठैः

भूयात् बदर्यधिपते तव सुप्रभातम् ॥ १०॥

पञ्चामृतेन सलिलेन सुगन्धद्रव्यैः

अभ्यङ्गनादि सुमनोहर सम्भृतैश्च ।

सिञ्चन्ति चार्चकवराः स्तुतिभिमनोज्ञैः

भूयात् बदर्यधिपते तव सुप्रभातम् ॥ ११॥

श्रीखण्डचन्दन सुगन्धयुजा विलिप्य

कौशेयरत्नखचितैश्च सुकान्तिमद्भिः ।

वस्त्रैर्वराभरणपुष्पचयैर्भवन्तं

आभूषयन्ति सततं तव सुप्रभातम् ॥ १२॥

भोज्यानि षड्रसमयानि विधाय सूदाः

दध्योदनादि घृतपायसमिश्रितानि ।

नित्यं प्रफुल्लमनसा विनिवेदयन्ति

तुभ्यं बदर्यधिपते तव सुप्रभातम् ॥ १३॥

जाम्बूनदीय बहुमूल्यमयं सुपात्रं

आपूर्य मिश्रितघृतेन वर्तिकाभिः ।

नीराजनेन सहवाद्यमृदङ्गघोषैः

सन्तर्पयन्ति विबुधास्तव सुप्रभातम् ॥ १४॥

दैत्यं सहस्रकवचं वरदानमत्तं

उन्मूलितं सुरगणा बहुधाऽर्थयन्तः ।

नारायणो नरसखोऽवततार भूमौ

संहत्य दानवपतिं विदधे प्रभातम् ॥ १५॥

संसारसागरसमुत्तरणैकहेतोः

अष्टाक्षरं सकलसिद्धिकरं सुमन्त्रम् ।

आविश्चकार जगदभ्युदयस्य सिद्‍ध्यै

क्षेमाय मानवगुणस्य हि सुप्रभातम् ॥ १६॥

यो वै हरिः कृतयुगे बदरीवनेऽस्मिन्

तेपे तपो बहुजनस्य हिताय कृच्छ्रम् ।

श्रीश्रीनिवास जगदेक दयैकसिन्धुः

कुर्याज्जनस्य सकलस्य स सुप्रभातम् ॥ १७॥

इत्थं नरहरिं करुणाब्धिसेतुं

लक्ष्मीपतिं सुरगुरुं प्रणिपत्य मूर्ध्ना ।

याचे मुदा द्विजवरो मुरलीधराख्यो

भद्रं करोतु सततं बदरीविशालः ॥ १८॥

इति मुरलीधरशास्त्रिणा रचितं श्रीबदरीनाथ सुप्रभातं सम्पूर्णम्

लेखक :- Traditional

Official Music Video

Badrinath Suprabhatam

Open in YouTube

Credits

Song Title Badrinath Suprabhatam
Album Badrinath Suprabhatam
Main Vocalist / Singer Rashmi Yogini
Music Composer Bijender Birju
Lyricist / Writer Traditional
Genre Devotional
Mood / Devotion Vishnu Ji
Festival Regular
Audio Quality Studio Vocal Recording
Record Label ViaNet Media Pvt. Ltd.
Link copied to clipboard!
Bajrang Baan-Lofi
Pawan Brijwasi
0:00 0:03:40